Takot maunahan, takot mawalan, takot sa katotohanan.
Katotohanang hindi ka pa para diyan talaga
Katotohanang tinatawag ka pa niya.
Katotohanang kailangang unahin muna Siya
Paano ka sasagot kung puno ka ng takot
Paano ka sasagot kung ang sarili ay binabalot
Binabalot ng mga pansariling kagustuhan
Binabalot ng pinaniniwalaang kasinungalingan
Ang kabaliktaran ng takot minsan ay hindi tapang
Ang kabaliktaran ng takot ay pwede ring katotohanan
Katotohanang minamahal ka
Katotohanang hindi ka mag iisa
Kaya panghawakan mo ang katotohanang ito
Na magbibigay sayo ng tapang at pagpapakatotoo
Na sundin muna ang pinapagawa Niya sayo
Dahil sa pagsunod na ito, makakamtan mo ang kabuuan ng iyong pagkatao.
Sa pagiging buo duon ka lang makapagmamahal ng totoo.